İmam Əbul-Hasen əl-Kerci
el-Kassab'ın (v. 360) Müqayisə Haqqındaki Sözlerinden
İmam Əbul-Hasen əl-Kerci, Nuketu'l-Kur'an'da (2/90)
belə demişdir: ‘’Allahın sizə verdiyi halal və pak
ruzilərdən yeyin və əgər Allaha ibadət edirsinizsə, Onun nemətinə şükür edin. O
sizə ancaq ölü heyvanı, qanı, donuz ətini və Allahdan başqası üçün kəsilən
heyvanı haram etmişdir. Hər kəs harama meyl etmədən və həddi aşmadan bunlardan
yeməyə məcbur olarsa, ona günah gəlməz. Həqiqətən, Allah Bağışlayandır, Rəhmlidir!.Dilinizin
uydurduğu yalana əsasən: "Bu halaldır, o haramdır!"- deməyin, çünki
Allaha qarşı yalan uydurmuş olursunuz. Şübhəsiz ki, Allaha qarşı yalan
uyduranlar nicat tapmazlar.İndi onlar az bir mənfəət əldə etmişlər, axirətdə isə
onları ağrılı-acılı bir əzab gözləyir.’’ (Nəhl
114-117)
Bu ayələrdə Allahın anlamağa müvəffəq etdiyi, məcbur
etmə və inadı bir tərəfə buraxan, halal və haram etmədə nəfsinin müqayisədən
götürdüyü dada etibar etməyən kəslər üçün müqayisənin batil oluşuna dair hüccet
açıqdır.
Bu ayə Allahın halal etdiyi bütün ruzilərə təşviqlə
başlamaqda, bunun üzərimizdə bir nemət olduğunu xəbər verməkdə və şükr etməmizi
əmr etməkdədir. Sonra haram qisiminə keçməkdə və belə buyurulmaqdadır: "O sizə ancaq ölü heyvanı, qanı, donuz ətini və Allahdan
başqası üçün kəsilən heyvanı haram etmişdir." Bunun xaricində qalan
hər şey ruzi, halal və tayyibə daxil olub, şükr etməmiz lazım olan nemətlərdən
sayılmışdır. Ayrı-seçkiliyə ibtida olaraq deyil, ancaq əvvəlki qisimdən istisna
mənasında gedilmişdir. Allah Azze və Celle bununla da kifayətlənməmiş, arxasından
belə buyurmuşdur: "Dilinizin uydurduğu yalana əsasən:
"Bu halaldır, o haramdır!"- deməyin; çünki
Allaha qarşı yalan uydurmuş olursunuz. Şübhəsiz
ki, Allaha qarşı yalan uyduranlar nicat tapmazlar.İndi onlar az bir mənfəət əldə
etmişlər, axirətdə isə onları ağrılı-acılı bir əzab gözləyir"
Özünə itaət edilməsi fərz qılınmış olan, halal və
haram etməsi ancaq Allah Azze və Cellenin əmriylə olan Rəsulullah sallallahu əleyhi
və səlləm xaricində, insanlardan heç kimin halal və tayyib ruzi cümləsindən
istisna edilən bu dörd şeyə artdırma haqqı
yoxdur. Rəsulullah sallallahu əleyhi və səlləm yırtıcı heyvanlardan azı dişi
olanları, quşlardan pəncəli olanları və adla saylı olan bəzi şeyləri haram
etmişdir. Yenə zinakarın qazancını, it ödənişini, heyvan cütləşdirmə ödənişini
haram etmiş, etibarlı kəslərin rəvayətləriylə gələn hədislərində bəzi alış-verişləri
qadağan etmişdir. Rəsulullah sallallahu əleyhi və selləm'dən nas olaraq tapdığımız
hər şey bu dörd maddəyə qatılar. Haqqında nas olmayan şeyin haram qılınması kəslərin
fikirləridir. Yaxşıca düşünən və ayənin incəliklərinə dalanlara görə ayənin
hökmüylə bunlar böhtandır."
Tərcümə: Əbu Muaz
Hiç yorum yok:
Yorum Gönder