Ənəs rəvayət edir ki, biz Peyğəmbər ilə - ona və ailəsinə Allahın
salavatı və salamı
olsun - birgə oturmuşduq. O dedi: “İndi
buraya Cənnət əhlindən olan bir kişi
gələcək”. Bu vaxt ənsardan biri içəri
daxil oldu. Onun saqqalından dəstəmazın suyu
damırdı, sol əlində də ayaqqabılarını
tutmuşdu. Ertəsi gün Peyğəmbər bir daha o sözləri
dedi və yenə də həmin kişi içəri daxil
oldu. Səhəri gün Peyğəmbər bir daha o sözləri dedi
və yenə də həmin kişi içəri daxil oldu.
Peyğəmbər çıxıb getdikdən sonra, Abdullah ibn Amr
ibnul-As həmin kişinin ardınca
gedib ona çatdı və dedi: “Atamla aramızda inciklik olub və and
içmişəm ki, üç gün onun yanına
getməyəcəyəm. Əgər izn versəydin, vaxt tamam oluncaya qədər sənin yanında
qalardım”. Kişi: “Buyur!”- deyə razılığını bildirdi. Abdullah ibn Amr
ibnul-As deyir ki, üç gecə onun evində qaldım və qeyri-adi bir şey görmədim.
Ancaq onu gördüm ki,
Sübh namazınadək yuxudan oyandıqca və ya yatağında oyana bu yana
çevrildikcə Allahı yad edir və Onu uca tuturdu. Beləliklə üç gün keçdi və onun etdikləri
məni qane etmədi.
Mən dedim: “Ey Allahın qulu! Atamla aramızda heç bir söz-söhbət,
inciklik olmamışdı. Mən sadəcə Peyğəmbərin sənin barəndə üç dəfə: “İndi bura Cənnət
əhlindən olan bir kişi gələcək”
dediyini eşitdim və hər dəfə də sənin içəri daxil olduğunu gördüm.
Sonra qərara gəldim ki, bir müddət yanında qalıb etdiyin əməllərə nəzər salım və
mən də onları edim. Amma sənin elə də
əməl etdiyini görmədim. Bəs onda Peyğəmbərin sənin haqqında belə deməsi
nəyə görə idi?”
Kişi dedi: “Gördüklərindən başqa bir şey etmirəm”. Abdullah çıxıb
getmək istədikdə kişi ona dedi: “Gördüklərindən başqa bir şey etmirəm. Yalnız o
istisnadır ki, mən heç bir müsəlmanı
aldatmıram, Allahın xeyir nəsib etdiyi heç bir kimsəyə həsəd
aparmıram!” Abdullah dedi: “Səni o məqama çatdıran budur. Buna isə çatmaq asan
iş deyildir”.
(Məcməuz-Zəvaid,
8/78)
İmam Əhmədin
Müsnedində rəvayət etdiyi hədisdə belə deyilir:
"Bir gün
Rəsulullah sallallahu əleyhi və selləmin yanında otururduq.
"Cənnət əhlindən
bir adam şuradan yanına gəlir" dedi.
Ənsardan bir
adam çıxıb gəldi. Ayaqqabısını sol əlinə almış, aldığı dəstəmazdan ötəri saqqalından su damlıyordu, salam verdi.
Sabahısı gün
olunca Rəsulullah sallallahu əleyhi və səlləm eyni şeyi söylədi və eyni adam
eyni halda çıxıb gəldi.
Üçüncü gün
olunca Rəsulullah sallallahu əleyhi və səlləm söylədiyini təkrarladı və eyni
adam eyni halda çıxıb gəldi. Rəsulullah sallallahu əleyhi və səlləm qalxdıqdan
sonra Abdullah b. Əmr b. As adamın arxasından getdi və özünə:
Atamla
razılaşa bilmədim və evinə üç gün getməməyə and içdim, məni üçgün qonaq etsən
yanına gəlirim, dedim. Olar, dedi. Ənəs deyər ki:
Abdullah,
yanında üç gün qaldığını və gecə namazı üçün qalxdığını görmədiyini söylədi. Yalnız
yatağa girdiyində Allahı xatırlayardı və səhər namazına qədər yatardı. Abdullah
deyər ki, xeyr xaricində bir şey söylədiyini də görmədim. Üç gün sonunda adamın
etdiklərini haradasa kiçik hesab etməyə başlamışdım.
Ey Allahın
qulu, atamla mənim aramda bir ayrılıq və ya inciklik haqqında danışılan
deyildi, yalnız Rəsulullahın üç dəfə cənnət əhlindən bir adam yanınıza gəlir,
dediyini eşitdim, üçündə də sən çıxıb gəldin, nə əməl işlədiyini görmək və sənə
uyğun gəlmək üçün yanında qalmaq istədim, çox əməl etdiyini də görmədim, Rəsulullah
sallallahu əleyhi və selləmin söylədiyi dərəcəyə necə gəldin? dedim.
Belə dedi:
Gördüyündən
başqa bir şey yoxdur. Yalnız, Allahın özünə verdiyi xeyrdən ötəri heç bir müsəlmana
qarşı içimdə aldatma və qısqanma duyğusu daşımıram. Abdullah belə dedi:
Səni bu dərəcəyə
yüksəldən və bizim də edə bilmədiyimiz budur".
(Əhməd (3/166)
Hiç yorum yok:
Yorum Gönder